15/7/2014暑假開始啦!!!!我們的星馬旅程正式開始....YEAH!
在新加坡環球影城,可以見到我的Transformers...大黃蜂 和 柯柏文, 真是很興奮!
21/5/2014 facebook 記載着……
上星期的一段有趣對話……
那天接柏廸放學，唔記得傾開D乜，哥哥突然對我說: 媽咪，你唔好生多個呀！
我: ？？？
柏廸: 兩個我凑唔掂架！
我: 吓！你凑得掂細佬咩？
柏廸: 凑得掂，一個冇問題，兩個我就凑唔掂喇……
我: 但係爸爸想要個妹妹喎！……
柏廸: 你話唔生咪唔生囉，你決定架麻……
我: 乜唔係爸爸媽媽決定架咩？
柏廸: 你決定架……
這段對話在晚飯時，講了給婆婆聽，
婆: 柏廸2個你凑唔掂牙？
柏廸: 係呀……我遲D3年級，細佬1年級又要凑佢返學放學，姐姐唔做架喇……你生架麻！
婆:吓！姐姐唔做，咁边個煮飯呀？
柏廸: 係呀，媽咪唔做架喇，我又要煮飯……2個我凑唔掂架！
我:？？？(講到咁遠！(^_^;))
爸： 吓！你煮飯……咁死梗啦！仲唔餐餐食豬頸肉，節瓜，同魚 -_-#
(因為哥哥鍾意食豬頸肉，節瓜，細佬鍾意魚)
⊙_⊙實在太攪笑了
No comments:
Post a Comment